Гэрэлт дурсамжийг мөнхөлж, бурхан болоочийнхоо эцсийн замналыг Монгол уламжлал, зан үйлийн дагуу хүндэтгэлтэйгээр гүйцэтгэх нь үр хойч бидний ариун үүрэг билээ. "Суварга буян" компани нь байгаль дэлхийгээ дээдлэх зан заншил, орчин үеийн соёлт үйлчилгээний стандартыг хослуулсан төрөлжсөн далд оршоох үйлчилгээг мэргэжлийн өндөр түвшинд үзүүлж байна.

Манай байгууллага нь үйл ажиллагаандаа чанар, аюулгүй байдал, байгаль орчны удирдлагын тогтолцоог нэвтрүүлэхэд онцгой анхаарч ажилладаг бөгөөд Монгол Улсын Засгийн газрын тохируулагч агентлаг Стандарт, хэмжил зүйн газраас буяны үйлчилгээний салбарт анхлан “Суварга буян” ХХК-д 2021 онд Чанарын удирдлагын тогтолцооны ISO 9001:2015 стандартыг нэвтрүүлсэн. Улмаар 2025 онд “МонСертф” тохирлын үнэлгээний байгууллагаас: ISO 9001:2015 – Чанарын менежментийн тогтолцоо, ISO 14001:2015 – Байгаль орчны менежментийн тогтолцоо, ISO 45001:2018 – Хөдөлмөрийн аюулгүй байдал, эрүүл ахуйн менежментийн тогтолцооны олон улсын стандартуудын давтан баталгаажуулалтын гэрчилгээг авч, үйл ажиллагаандаа мөрдлөг болгон ажиллаж байна. Эдгээр стандартууд нь манай байгууллагын үйл ажиллагаа олон улсын чанарын шаардлага, байгаль орчны хамгаалал, хөдөлмөрийн аюулгүй байдал, эрүүл ахуйн менежментийн тогтолцоонд бүрэн нийцэж буйг баталгаажуулж байгаа болно. 

Уламжлалт зан үйл, хүндэтгэлийн цогц үйлчилгээ

Бид өвөг дээдсээс уламжлагдан ирсэн Монгол үндэстний оршуулах зан үйлийг чанд баримтлан, ар гэр бүлийнхэнд нь сэтгэл зүйн болон зохион байгуулалтын бүхий л талын дэмжлэг үзүүлдэг.

• Цаг хугацаа, зүг чиг тодорхойлох: Бурхан болоочийн зурхайг зурж, нутаглуулах цаг хугацаа, мөр гаргах зүг чиг, оршоох газрын байршлыг уламжлалт ёсны дагуу нарийвчлан тогтооно.

• Хүндэтгэлийн зан үйл: Сүүлчийн замд нь үдэх шашны болон уламжлалт номын үйл, буяны ерөөлийг мэргэжлийн лам хуврагуудтай хамтран номын журмын дагуу уншуулж, гүйцэтгэнэ.

• Тээвэрлэлт ба зохион байгуулалт: Тусгай зориулалтын, иж бүрэн тоноглогдсон автомашинаар тээвэрлэх бөгөөд харууслын ёслолыг цэгцтэй, хүндэтгэлтэй орчинд удирдан зохион байгуулна.

Бүрэнгийн Энгэр Цогцолбор , Бага Баян Цогцолбор: Байнгын хараа хяналт, арчилгаа

"Суварга буян" компанийн зүгээс байгаль орчинд ээлтэй, эко шийдэл бүхий цогцолборийн төслийг хэрэгжүүлэн өргөжүүлж байна. Энд бурхан болоочоо нутаглуулснаар та бүхэн зөвхөн нэг удаа оршуулаад орхих бус, насан туршийн халамж, арчилгааны үйлчилгээг давхар авч буй хэрэг юм.

Бидний амлалт: Мөнхийн амар амгалан, насан туршийн халамж

• 24/7 Харуул хамгаалалт, хяналт: Цэцэрлэгт хүрээлэн нь орчин үеийн хяналтын камерын систем болон харуул хамгаалалтын нэгдсэн албатай тул уламжлалт оршуулгын газруудад тохиолддог сүйтгэгдэх, тоногдох эрсдэлээс бүрэн хамгаалагдсан.

• Ногоон байгууламж, эко арчилгаа: Бурхан болоочийн нутаглуулсан талбай орчмыг байнгын зүлэгжүүлэлт, мод бут сэргээх ажиллагаагаар хучиж, цэцэрлэгжүүлдэг. Усалгаа, зэрлэг цэвэрлэгээг манай мэргэжлийн тохижилтын баг тогтмол гүйцэтгэнэ.

• Байнгын тордолгоо, цэвэрлэгээ: Угсармал чулуун байгууламж, дурсгалын хөшөөний өнгө үзэмжийг сэргээх, цас мөс, тоос шороог цэвэрлэх ажлыг улирлын чанартайгаар тасралтгүй хийдэг.

• Эргэлт, мөргөлийн тухтай орчин: Үр хойч, төрөл төрөгсөд нь хэзээ ч ирсэн сэтгэл амар, тухтай орчинд дурсгалыг нь хүндэтгэн, залбирч мөргөх нөхцөлийг бүрдүүлсэн, цэгцтэй зохион байгуулалт бүхий цэцэрлэгт хүрээлэн юм.

Яагаад "Суварга буян"-ийг сонгох вэ?

1. Уламжлал болон орчин үеийн соёлыг хослуулсан найдвартай байдал

2. Сэтгэл амар байх насан туршийн арчилгаа, харуул хамгаалалтын баталгаа

3. Ар гэрийнхэнд учрах бэрхшээлийг хөнгөвчилсөн цогц тусламж

Бид бурхан болоочийн тань сүүлчийн замналыг мөнхийн диваажин, амар амгалангийн цэцэрлэг болгон хувиргахад сэтгэлээ зориулан ажиллаж байна.